華仔、克勤是裁縫陳國研的客仔。
一九六六年，十七歲，裁縫陳國研由珠海游水到澳門，足足游了六小時，然後再屈蛇到香港。來到香港，我隻字唔識又冇書讀，就更覺做人要有一技之長，所以十八歲那年，去了周啟邦老竇周錫年爵士都光顧的式雅洋服鋪做學徒，兩年後升做師傅。申於洋服叫「鬼衣」，所以裁縫和洋服從業員都被稱為「鬼衣佬」，而洋服呢行就叫「鬼衣行業」。林海峰爸爸都係有名的「鬼衣佬」，佢今年七十多歲，係師傅輩。
打工打了十三年，三十一歲終於輪到自己在旺角砵蘭街開洋服鋪。當時鋪頭對面就係文華戲院，好多明星像成龍都會趁首映開始前入o黎逛下訂番一兩套。((((((
劉德華)))))))) 、任達華、司徒華、關禮傑、謝霆鋒都係我o的客，呂良偉仲試過拎埋里安納度著過o個款來叫我跟住做。(((((((((((((((( (我同劉德華仲會互相切磋，睇下點樣配搭先至係最靚。))))))))))))))))
九七年前，我每月差唔多有十萬蚊生意，但金融風暴後，就跌至四萬，跌了六成。好彩去年林海峰為李克勤的《度身訂造》大碟諗唱片封面，偷偷地影了香港五六間洋服鋪，然後把相片拎去問老竇邊間好，佢老竇話我呢間夠正統，真係為人度身訂造，唔係賣現成西裝，所以就揀o左我呢間鋪來影唱片封套。咁o岩克勤係我客仔，咪一拍即合，我仲上埋鏡添。自從o個次曝光後，生意即時多o左兩成，今次真係要多謝克勤，多謝林海峰o勒！
3週刊 第226期 (7/2/2004)
kennis
